Այսօր Առնո Բաբաջանյան համերգասրահում կայացավ «Հանդիպում Կոմիտասի հետ» բաց դաս-համերգը՝ Երևանի պետական կամերային երգչախմբի մասնակցությամբ: Համերգը վարում էր երգչախմբի ղեկավար և դիրեժոր Հարություն Թոփիկյանը: Ինչպես մայրաքաղաքի տարբեր դպրոցներից, մեր կրթահամալիրի 4-5-րդ դասարանների սովորողները նույնպես ներկա գտնվեցին պարապմունքին, լսեցին մի քանի հետաքրքիր փաստեր, տեղեկացան Կոմիտասի մարդկային բարձր որակների, բնավորության գծերի, կյանքի իրադարձությունների մասին: Տեղեկությունները մեզ էին հասել Հրաչյա Աճառյանի և այլ արվեստագետների կողմից:Ստեղծագործությունների մի մասը կրթահամալիրի սովորողները բազմիցս երգել և համերգային ծրագրով ներկայացրել են հանդիսատեսին: Համերգն ամփոփեցինք միասնական կատարմամբ. ամբողջ դահլիճի ունկնդիրները՝ սովորողները, դասավանդողները երգչախմբի հետ միասին կատարեցին Ազգային օրհներգը:
Հաջորդիվ՝ ռադիոթողարկում:
Աննա Ստեփանյան 